Tilraunastöðin sinnir margvíslegri þjónustu.  Eitt meginhlutverk hennar samkvæmt lögum er, að annast þjónustu og rannsóknir í þágu heilbrigðiseftirlits, sjúkdómsgreininga og sjúkdómsvarna fyrir búfé og önnur dýr, í samstarfi við Yfirdýralækni.

Þjónusturannsóknir Tilraunastöðvarinnar ná yfir margvíslegar prófanir og greiningar.

Um er að ræða krufningar og aðrar meinfræðirannsóknir, almenna sýklafræði, blóðmeinafræði, sníkjudýrafræði, eftirlit með alidýraeldi og sláturafurðum, rannsóknir á fiskasjúkdómum, skimun fyrir riðu, blóðflokkagreiningar á hrossum. 

Framleiðsla á bóluefni og mótefnasermi gegn sauðfjársjúkdómum hefur einnig um árabil verið mikilvægur hluti þjónustu Tilraunastöðvarinnar.

Tilraunastöðin framleiðir bóluefni gegn clostridiumsjúkdómum í sauðfé, þ.e. lambablóðsótt, garnapest,garnaveiki og bráðpest. Langt mest er framleitt af svokölluðu Blönduðu bóluefni gegn þessum sjúkdómum.  Þá framleiðir stöðin bóluefni gegn lungnapest í sauðfé af völdum Pasteurella sýkla. Tilraunastöðin framleiðir einnig mótefnasermi gegn lambablóðsótt og garnapest.

Tilraunastöðin sér öllum rannsóknarstofnunum í landinu fyrir hrossa og kindablóði í sýklaæti og ýmis rannsóknastofupróf og blóði, sermi eða öðrum blóðþáttum úr öðrum tilraunadýrum eins og marsvínum, kanínum og músum.

Samfara þessu sinna sérfræðingar stofnunarinnar ráðgjöf á mörgum sviðum.

Prófanir og greiningar 

Sjúkdómsgreiningar 

Rannsóknarbeiðnir

Framleiðsla og sala

Pantanir 

Sýnataka og leiðbeiningar 

Gjaldskrá 

Tilraunadýr 

Öryggisþjónusta