Enda þótt fléttur séu víða áberandi og hafi mikla þýðingu í mörgum vistkerfum auk þess að vera sérlega áhugaverðar þróunarfræðilega, þá hefur enn ekkert erfðamengi fléttu verið birt. Við erum því í ákjósanlegri aðstöðu til að vinna ítarlega lýsingu á erfðamengi, umritamengi og próteinmengi fléttusamlífis. Í heild munu þessar upplýsingar veita djúpan og margbrotinn skilning á fléttusamlífi og þróun þess og leggja grunn fyrir frekari rannsóknir, svo sem á efnaskiptamengi, efnaflæði, smíði kerfislíkana og prófun þeirra.

Rannsóknir þær sem kynntar verða í fyrirlestrinum miða að því að kanna tengsl milli náttúrulegs breytileika í beinum og vöðvum og mismunar í tjáningu gena milli afbrigða á mismunandi stigum þroskaferilsins. Aukinn skilningur á þessum tengslum mun varpa nýju ljósi á gangvirki aðlögunar og afbrigðamyndunar.

Grein í Bændablaðinu fimmtudaginn 2. febrúar 2012
Sumarexem smámýsofnæmi, í íslenskum hestum - meðferðarúrræði í augsýn

Vísindadagurinn er eins dags ráðstefna og er nú haldin í fimmta sinn.Starfsmenn Tilraunastöðvarinnar og nemendur í rannsóknanámi kynna rannsóknir og niðurstöður ýmissa rannsókna sem unnið er að á Keldum, bæði með fyrirlestrum og veggspjöldum.
Ráðstefnan er ókeypis og öllum opin.
Nánari upplýsingar um dagskrá og fyrirlestra verða birtar hér á síðunni þegar nær dregur.

Fyrirlesari: Sigurður Ingvarsson, forstöðumaður Tilraunastöðvarinnar að Keldum

Heiti erindis: Meinafræði að Keldum í minningu Guðmundar Georgssonar

Miðvikudaginn 11. janúar 2012 er við hæfi að rifja upp rannsóknastörf Guðmundar Georgssonar læknis, en þá eru liðin 80 ár frá fæðingu hans, en hann lést 13. júní 2010. Fræðasvið Guðmundar var meinafræði og starfaði hann lengst af á Tilraunastöð Háskóla Íslands í meinafræði að Keldum sem sérfræðingur í líffærameinafræði og einnig veitti hann stofnuninni forstöðu um árabil.

Erindi  haldið fimmtudaginn 8. desember, kl. 12:20, í bókasafni Tilraunastöðvarinnar.
PKD-nýrnasýki, sem orsakast af smásæju sníkjudýri Tetracapsuloides bryosalmonae, er alvarlegur og útbreiddur sjúkdómur í laxfiskum í Evrópu, bæði villtum og í eldi. Dæmi eru um mikil afföll í villtum laxfiskastofnum erlendis, s.s. í Sviss og Noregi. Bleikja er lítið rannsökuð m.t.t. sjúkdómsins. Smittilraunir hafa þó sýnt að hún sé mjög næm fyrir sýkinni.

Nýverið kom út grein um tengsl búskaparhátta og árstíðasveiflu iðraorma í ásetningsgimbrum á sauðfjárbýli á Austfjörðum. Þar voru þessir þættir rannsakaðir með því að telja ormaegg í saur sem safnað var í 16 skipti yfir heilt ár. Lömbin fengu engin sníkjudýralyf. Greint var á milli fjögurra tegunda (mjólkurmaðksins Moniezia expansa, svipuormsins Trichuris ovis og flækjuormanna Nematodirus filicollis og N. spathiger) en eggjum annarra þráðorma, sem vitað er að hrjá sauðfé á austurhluta landsins (vinstrarormanna Teladorsagia circumcincta og Trichostrongylus axei, smágirnistegundanna T. capricola og T. vitrinus og ristilormanna Chabertia ovina og Oesophagostomum venulosum) var slegið saman í sérstakan hóp (aðrir strongyle ormar) því ekki er hægt að greina milli tegundanna á útliti eggja.

Áður hafa tvær greinar verið birtar um rannsóknir á sauðfjársníkjudýrum á bænum, önnur birtist 2006 en hin 2007 og má nálgast greinarnar með því að smella á ártalið.

Elliðaárnar hafa verið ein af lykilám í vöktun á lífríki straumvatna hérlendis á þriðja áratug.  Þar hefur verið fylgst með fiskistofnum vatnakerfisins, laxi, urriða, bleikju og ál. Mest áhersla hefur verið á lífsferil laxins þar sem árlega er könnuð útbreiðsla og þéttleiki seiðaárganga sem og aldur gönguseiða, lengdardreifingu þeirra, holdafar og endurheimtur úr hafi. Þegar laxinn kemur úr sjó er hann talinn upp í árnar. Eftir niðursveiflu laxastofnsins árabilið 1997- 2004 hefur hann nú rétt við, í kjölfar aðgerða sem gripið var til. Árleg sýni af urriða og bleikju í Elliðavatni veita upplýsingar um framgang þeirra stofna. Tegundasamsetning og fjöldi smádýra er einnig kannaður árlega. Margar aðrar rannsóknir hafa tengst þessari vöktun m.a. á fisksjúkdómum. Meðhöfundur: Friðþjófur Árnason liffræðingur. Veiðimálastofnun.

Erindi  haldið fimmtudaginn 17. nóvember, kl. 12:20, í bókasafni Tilraunastöðvarinnar. Ómega-3 fitusýrur er helst að finna í hörfræsolíu, feitum fiski og lýsi. Hlutur þeirra í fæði vesturlandabúa hefur minnkað mikið frá því sem var í byrjun 20. aldarinnar. Langar fjölómettaðar ómega-3 fitusýrur hafa áhrif á frumuhimnu, myndun fituboðefna, innanfrumuboðferli og tjáningu gena fyrir bólgumiðla. Neysla þeirra hefur jákvæð áhrif á ýmsa bólgusjúkdóma og geta mögulega ýtt undir hjöðnun bólgu.

Dagana 11.-12. nóvember 2011 hélt Líffræðifélag Íslands ráðstefnu um líffræðirannsóknir, en þær eru á tveggja ára fresti. Fjöldi og fjölbreytni erinda og veggspjalda var mikill, en 158 rannsóknir voru kynntar á ráðstefnunni, 82 erindi og 76 veggspjöld.
Umtalsvert framlag var frá starfsmönnum Tilraunastöðvar Háskóla Íslands í meinafræði að Keldum, 17 erindi og 12 veggspjöld.
Frekari upplýsingar um ráðstefnuna og ágrip af öllum erindum og veggspjöldum eru á vef Líffræðifélags Íslands (www.biologia.hi.is ) og skráningarvefnum (http://lif.gresjan.is/2011/).

Hefti 24 / 2011 af Icelandic Agricultural Sciences er komið út.  Útlitið hefur breyst, það er komin mynd á forsíðu og ætlunin er að vera með nýja mynd á hverju hefti. Nálgast má heftið í heild sinni á rafrænu formi á heimasíðu tímaritsins, www.ias.is

Fyrirlesari:  Bergljót Magnadóttir dýrafræðingur.
Heiti erindis:  Nóbelsverðlaunin í lífeðlis- og læknisfræði 2011.

Sagt verður frá Nóbelsverðlaunahöfum í lífeðlis- og læknisfræði 2011 og rannsóknum þeirra. Verðlaunin skiptust á milli þriggja vísindamanna sem hafa umbreytt skilningi manna á ónæmiskerfinu og samspili meðfædda og áunna ónæmiskerfisins. Verðlaunin hlutu annars vegar Bruce A. Beutler við Texas háskóla og Jules A. Hoffmann við CNRS rannsóknarstofnunina í Strasbourg fyrir rannsóknir á toll-viðtökum og hins vegar Ralph M. Steinman við Rockefeller háskólann í New York fyrir rannsóknir á angafrumum

Sérfræðisvið Páls var vistfræði spendýra. Hann var í samstarfi við sérfræðinga Tilraunastöðvar HÍ í meinafræði að Keldum. Páll sat einnig í stjórn Tilraunastöðvarinnar í hartnær áratug.
Páll lauk B.Sc. (Honours) prófi frá Lífeðlisfræðideild Háskólans í Dundee í Skotlandi 1975 og doktorsprófi frá Dýrafræðideild Oxford-háskóla 1984. Doktorsverkefni Páls fjallaði um atferði og vistfræði íslenska melrakkans.
Hann var veiðistjóri 1985-1995 en þá var hann ráðinn prófessor við Líffræðiskor Háskóla Íslands (nú Líf- og umhverfisvísindadeild) og gegndi því starfi til dauðadags.

Hin árlega Vísindavaka Rannís fór fram síðastliðinn föstudag í Háskólabíó á degi evrópska vísindamannsins.
Að þessu sinni tók Tilraunastöð H. Í í meinafræði að Keldum þátt í Vísindavökunni og kynnti þar stafsemi sína og nokkrar áhugaverðar rannsóknir með ýmsum hætti.  

Ofnæmi er meðal algengustu krónísku vandamála á meðal manna um allan heim. Einkennin geta verið allt frá því að vera mjög væg og upp í lífshættulegt ástand.Einkenni ofnæmis koma frá nefi, lungum, hálsi, afholum nefs, meltingarvegi eða húð og hjá sumum veldur ofnæmi einkennum astma. Alvarlegasta form ofnæmis er ofnæmislost sem getur verið lífshættulegt.
Farið verður í helstu ofnæmissjúkdóma í mönnum, ónæmissvarið, algengi og klíníska birtingu. Einnig verður kynnt fæðuofnæmi hjá íslenskum börnum til 2,5 árs aldurs.